Një person dyshohet se ka humbur jetën nga zjarri që ra në një prej qelive të katit të dytë të burgut të Shën Kollit në Lezhë rreth orës 16:00.
Dy të lënduar të tjerë janë dërguar drejt spitalit, ndërsa pjesës tjetër të të burgosurve po u jepet mjekim në ambientet e burgut.
Paraprakisht dyshohet se zjarri u shkaktua nga shpërthimi i një bombole gazi.
Të burgosurit janë nxjerrë në oborr, ndërsa autoritetet kanë forcuar masat e sigurisë.
Në vendin e ngjarjes ndodhen forcat e zjarrfikësve, ambulanca dhe policia.
