Afro 100 kg hashash është kapur sot në Himarë. Në pranga është vendosur Nikolla Gërdhuqi, 31 vjeç, banues në Pilur,Himarë dhe Moisi Mëhillaj, 42 vjeç, banues në Kuç, Himarë.
Njoftimi i policisë
Në kuadër të një procedimi penal proaktiv, të referuar në Prokurorinë e Rrethit Gjyqësor Vlorë, Specialistët e Seksionit për Hetimin e Narkotikëve në D.V.P.Vlorë, në bashkëpunim me Prokurorinë e Rrethit Vlorë, kanë zhvilluar dhe finalizuar operacionin duke sekuestruar 98.3 kg, lëndë narkotike Cannabis Sativa dhe kanë arrestuar në flagrancë shtetasit :
Nikolla Gërdhuqi, 31 vjeç, banues në Pilur,Himarë.
Moisi Mëhillaj, 42 vjeç, banues në Kuç, Himarë.
Në cilësinë e provës materiale është sekuestruar sasia e lëndës narkotike, në total 98.3 kg dhe dy automjete tip “Benz”.
Një pjesë e lëndës narkotike u kap duke u transportuar me makine dhe sasia tjetër u gjet e fshehur në banesë. Materialet hetimore iu referuan Prokurorisë së rrethit Gjyqësor Vlorë, për veprën penale “Prodhimi dhe shitja e narkotikëve”, të parashikuar nga neni 283/2 të Kodit Penal.
Më herët, u bë e ditur se në brigjet italiane është kapur nje gomone me 500 kg marijuane qe ishte ngarkuar në “Triport” të Vlorës.
/Opinion.al
