E fundit/ Ish-Blloku pa drita prej dy ditësh, asnjë reagim nga OSSHE

Ka mëse dy orë që pothuaj një pjesë e mirë e lagjeve të ish-Bllokut në Tiranë janë pa energji elektrike. Një situatë e cila sipas denoncimeve të qytetarëve të ndryshëm vazhdon që nga dita e djeshme me ndërprerje të vazhdueshme dhe që është kthyer në shqetësim serioz për zonën. Ky shqetësim është përcjellë si nga familjarët që kanë zgjedhur që fundjavën ta kalojnë në qetësinë e shtëpisë, por që mungesa e energjisë ua ka pamundësuar një gjë të tillë, por edhe bizneset që ndodhet në këtë zonë të Tiranës, ndër më të frekuenturat për sa i përket rinisë. Ndërkohë që nga OSSHE si gjithmonë nuk ka asnjë njoftim përkatës në rastet kur ka shkëputje të energjisë.