Një person është ndaluar dhe më pas arrestuar nga policia e Belgjikës pasi është përpjekur të futet me makinën e tij me targa franceze brenda një rruge tregtare tepër të populluar. Makina ishte duke lëvizur me shpejtësi të madhe në drejtim të qytetarëve.
“Rreth orës 11 të paradites një person ka hyrë në pedonalen De Meir më shpejtësi të lartë duke iu afruar këmbësorëve”- ka thënë zëdhënësi i policisë në një konferencë për shtyp.
Ai shtoi se shoferi është arrestuar, ndërkohë që në vendngjarje janë shtuar forcat e policisë. Ende nuk dihen detaje të mëtejshme.
Kujtojmë se ngjarja ka ndodhur vetëm një ditë pas sulmit terrorist në qendër të Londrës ku mbetën të vdekur pesë persona, ndërsa janë plagosur 40 të tjerë. Për këtë arsye frika për sulmeve të ngjashme është e lartë./opinion.al
