Shtatë punonjëse të një fasonerie në Durrës, jana paraqitur rreth një orë më parë në urgjencën e spitalit të këtij qyteti për të marrë ndihmën e parë.
Ato dyshohen se janë helmuar nga gazrat gjatë procesit të punës.
Një nga dyshimet e para është se shkak për këtë helmim mund të jetë rrjedhja e gazit të kondicionerit, çka mbetet për tu vërtetuar.
Kjo nuk është hera e parë që në punishtet e fasonerive në Durrës ka incidente të tilla, me pasojë në shëndet.
Punonjëset e këtij qyteti e kanë ngritur shpesh zërin lidhur mbi mungesën e kushteve të punës, ndërkohë që nuk mungojnë rastet e shtrimit në urgjencë si pasojë e helmimit gjatë procesit të punës.
Vetëm një javë më parë, punonjëset e një fasoneri në Shkodër ndaluan punën në shenjë proteste, ndaj kushteve të vështira në punë. D.L
