Helmim masiv në Tiranë. 10 persona janë duke marrë mjekim në spital. Ata janë helmuar nga ushqimi i kontaminuar në një restorant në Bllok. Mësohet se këtij restoranti me emër në Tiranë i është pezulluar aktiviteti dhe ngjarja po hetohet.
Mjekët thonë se 10 pacientë janë të shtruar në spital dhe 8 të tjerë kanë marrë mjekim dhe janë larguar në shtëpi. Pacientët kanë diarre dhe temperaturë shumë të lartë. Nga të dhënat e para të analizave, ISHP dyshon se pacientët janë prekur nga salmonela.
Ndërsa mjekët thonë se pacientët e helmuar kanë konsumuar të njëjtin ushqim.
Referuar dëshmisë së pacientëve mësohet se ata kanë ngrënë në restorant Artigiano në zonën e Bllokut.
