Pesë persona humbën jetën nga komplikacionet që u shkaktoi gripi. Lajmi konfirmohet nga n/drejtori i spitalit “Shefqet Ndroqi” në Sauk, Arjan Mezini. Në një prononcim për Top Channel ai tha se “viktimat ishin të sëmurë kronikë që nuk arritën të mbijetojnë”.
“Kemi pasur 4-5 vdekje gjatë kësaj periudhe, kryesisht të të sëmurëve kronikë që nuk kanë arritur të mbijetojnë. Gripi është bërë komplikacioni që i ka çuar në atë gjendje”, u shpreh mjeku pneumolog Arjan Mezini.
Sakaq, ekspertët thonë se epidemia gripale ka mbërritur në kulmin e saj. Raportohen 19 mijë raste që kanë kërkuar ndihmë mjekësore gjatë një jave. Kjo situatë mendohet të zgjasë për afro një muaj.
