E fundit/ Grabitësit çanë murin e bankës, ja si tentuan të futen te dhoma e kasafortës

Janë zbardhur të tjera detaje nga tentativa për grabitje gjatë natës e një banke të nivelit të dytë në zonën e ish-Bllokut në kryeqytet. Sikundër mësohet banka ndodhet në rrugën “Ismail Qemali” në një zonë ku ndodhen edhe banka të tjera të nivelit të dytë. Grabitësit kanë tentuar të çajnë një mur për të shkuar më pas në dhomën e kasafortës, aty ku ndodhet kasaforta ku mbahen paratë. Çarja në mur sipas ekspertëve ka qenë 50 me 30 cm. Dhe ende nuk bëhet e ditur nëse kasaforta është prekur apo jo, pasi do të jenë punonjësit e bankës ata që do të përcaktojnë një gjë të tillë.