Të afërmit e Shkëlzen Qordjes që humbi jetën sot në rrethana misterioze në ambientet e Gardës së Republikës kanë reaguar në lidhje me aludimet që janë përcjellë sot në media lidhur mbi këtë ngjarje.
Prindërit dhe vëllezerit e tij thonë se për ta nuk ka asnjë fjalë për ngushëllim për humbjen e njeriut të tyre të dashur.
“Është e pabesueshme për ne që në kushtet e një tragjedie familjare që nuk i urohet as hasmit, të na duhet të perballojmë edhe shqelmat e politikës mbi trupin pa jete të djalit dhe vëllait tonë qe e kemi në mes të shtëpisë!
Kur s’ka fjalë dhe ngushëllim për ne sot, detyrohemi nga këto shqelma egërsirash të gjejmë fjalë për të bërë deklarata publike si familje!
Por fatkeqesisht nuk kemi asnjë rrugë tjetër përveçse t’i drejtohemi publikisht politikanëve që të na lënë të qajmë njeriun tonë.
Të mos shkelin mbi çdo ligj e zakon, duke bërë atë që as gjakësi i kanunit nuk e ka bërë kurrë për viktimën e tij.
U lutemi mos e rëndoni djalin e vëllain tonë me fantazi dhe fabrikime për qëllimet tuaja.
Për shpirtin e zi që ju shtyn në të tilla akte çnjerëzore nuk është fajtor i shtrenjti yne dhe zija jonë del e tepron për supet e familjes sonë të thjeshtë,-thonë prindërit dhe vëllezërit e te ndjerit Shkelzen Qordja”
