Ergys Kaçe, mesfushori i kombëtares shqiptare, nuk po kalon më momente të mira te PAOK-u i Selanikut, ku u zgjodh lojtari më i mirë sipas tifozëve, vitin e shkuar. Tashmë, shtatshkurtëri jo vetëm ka humbur vendin e titullarit, por duket se do të ndryshojë ekip. Nuk bëhet fjalë për shitje të kartonit të tij, por për huazim. Këtë gjë e bëjnë të ditura mediat greke, më konkretisht “sdna.gr“, që shkruan:
“Mesfushori i PAOK-ut, Ergys Kace, është shumë afër bashkimit me Viktoria Plzen, në formën e huazimit për një sezon. Kace nuk është i nevojshëm për PAOK-un, çka është dukur qartë para sezonit të ri, ndaj mesfushori shqiptar është shumë afër transferimit si i huazuar te Viktoria Plzen. Kace do të rinovojë kontratën e tij me PAOK-un dhe do të bashkohet me Viktoria Plzen deri në fund të sezonit. Klubi çek mund ta aktivizojë klauzolën e tij të blerjes verën e ardhshme, në qoftë se Kace e impresionon me lojën e tij.”
