Menjëherë pas publikimit në media të lajmit për vendimin e Gjykatës së Shkallës së Parë Dubrovnik për ekstradimin e Ismail “Ballist” Morinës në Serbi, kanë ardhur edhe reagimet e para institucionale. Sipas burimeve të besueshme të “Opinion.al” Federata Shqiptare e Futbollit sapo është informuar në lidhje me vendimin e institucioneve të drejtësisë kroate për ekstradimin e Ballist Morinës në Serbi ka nisur menjëherë interesimin e saj të drejpërdrejtë. Mësohet se është vetë Presidenti Armand Duka, ai që ka marrë kontakte intensive, me qëllim marrjen e një informacioni të plotë lidhur me çështjen në fjalë, si edhe shfrytëzimin e të gjitha kanaleve diplomatike, më synim për ti dhënë zgjidhje kësaj çështje. Po kështu mësohet se Presidenti i FSHF-së, Armand Duka, ka nisur kontaktet për ti dhënë zgjidhje kësaj çështje me qëllim për ti dhënë suportin dhe zgjidhjen më oportune. Kujtojmë se Ballist Morina u ndalua një muaj më parë nga autoritetet kroate për mungesë dokumentacioni në kalimin e kufirit dhe pas vendimit të Shkallës së Parë të Dubrovnikut për ta ekstraduar, e vetmja mundësi që çështja e tij të mos i kalojë Serbisë që e kërkon për rastin e dronit të Beogradit, është që Gjykata e Apelit në Dubrovnik të rrëzojë vendimin e Shkallës së Parë. Në të kundërt siguria e atij që për shqiptarët tashmë njihet si “Heroi i Beogradit” do të ishte në rrezik në Serbi./ Opinion.al
