Dy persona janë arrestuar nga policia, pasi dhunuan dhe bënë për spital një 22 vjeçar.
Ngjarja ka ndodhur në Tepelenë dhe sikundër bën me dije policia dhunuesit kanë shtetasit A.A, 45 vjeç dhe A.A, 41 vjeç, banues po në Tepelenë.
Njoftimi
Nga Specialistët për Hetimin e Krimit në Komisariatin e Policisë Tepelenë u bë arrestimi në flagrancë i shtetasve:
– A.A, 45 vjeç, banues në Tepelenë, dhe
– A.A, 41 vjeç, banues në Tepelenë.
Arrestimi i këtyre shtetasve u bë pasi për motive të dobëta, kanë goditur me sende të forta shtetasin E.N, 22 vjeç, banues në Tepelenë, i cili ndodhet i shtruar në Spitalin Rajonal “Omer Nishani”, Gjirokastër, jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, neni 88 i Kodit Penal.
