Një shpërthim ka ndodhur në një lokal në Vlorë rreth orës 03:20 të ditës së sotme. Policia tha se është vendosur dinamit në në lokalin në pronësi të shtetasit R.M., 56 vjeç. Nga ngjarja nuk ka të lënduar, por vetëm dëme materiale.
Ngjarja ka ndodhur rreth orës 03:20, në lagjen “Lirimi”. Lokali ishte i vendosur në katin e parë të një pallati.
Për pasojë është dëmtuar vetëm xhami i dritares së këtij lokali.
Nga hetimet paraprake, dyshohet se shpërthimi mund të jetë kryer me lëndë shpërthyese “Dinamit”, pasi në vendngjarje është gjetur mbetje fitili. Grupi hetimor po punon për sqarimin e rrethanave të ngjarjes dhe për zbulimin e autorëve, tha policia lokale.
