Dy makina janë djegur gjatë natës në zonën e Dajtit, policia tha se dyshohet për zjarrvënie të qëllimshme në njërin prej mjeteve por aksidentalisht është djegur edhe taksia e parkuar ngjitur.
Njoftimi i policisë
Më datë 10.07.2017, rreth orës 02:45, në numrin e Emergjencave 112, ka ardhur njoftimi se në rrugën”Shefqet Kuka”, pranë pallateve Amfora ka rënë zjarr në dy mjete të parkuara.
Menjëherë në vendin e ngjarjes janë dërguar shërbimet e policisë dhe zjarrëfikses.
Nga hetimet paraprake të kryera dhe konsultimit me ekspertët e zjarrëfikses, dyshohet për zjarrëvënie të qëllimshme në mjetin e shtetasit E.L, i cili është djegur plotësisht, ku si pasojë është djegur nga flakët në pjesën e përparme, mjeti taksi, në pronësi të shtetasit G.Sh.
Grupi hetimor po punon për zbulimin dhe vënien para përgjegjësisë ligjore të autorit të kësaj vepre penale.
