E fundit/ Burri tenton të vrasë gruan me armë gjahu

Një ngjarje me pasoja fatale është parandaluar në familje.  Policia e Fierit parandalon një krim të mundshëm brenda familjes. Specialistët për Hetimin e Krimeve të Rënda në Drejtorinë Vendore të Policisë Fier, ndaluan në flagrancë shtetasin Aranit Shahaj, 55 vjeç, banues në fshatin Cakran, pasi tentoi të vrasë bashkëshorten me armë gjahu. Njoftimi është bërë nga vetë gruaha e cila ka telefonuar në numrin e emergjencave “129”, nga ku ka denoncuar bashkëshortin e saj i cili po e keqtrajtonte. Në vendngjarje kanë shkuar shërbimet e policisë të cilat kanë bërë të mundur arrestimin në flagrancë të autorit dhe sekuestrimin në cilësinë e provës materiale të armës së gjahut teke model “BERETTA” dhe 3 gëzhoja arme gjahu. Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë për veprën penale “Vrasje për shkak të marrëdhënieve familjare e mbetur në tentativë”, parashikuar nga Nenet 79/c e 22 të Kodit Penal.