Beqaj fyen Albina Dedën, ndërpritet seanca plenare

TIRANE- Kristi Maze,10-vjeçari nga Pogradeci i cili vuan nga një sëmundje e rëndë për të cilin kërkohet transplant melcie është bërë shkak për debat në Parlament.  Albina Deda i kërkoi ministrit dërgimin jashtë shtetit të fëmijës me fondet e shtetit. Beqaj, në përgjigje të kërkesës së Dedës, u shpreh se nuk bëhet fjalë për fonde por për një problem të madh shëndetësor sepse duhet kryer transplant i plotë melcie dhe jo i pjeshshëm. Sakaq Arbiola Halimi po e PD-së akuzoi Ministrinë e Shëndetësisë si përgjegjëse për shëndetin e Kristit, pasi prej një viti ia ka mohuar familjes transplantin e pjesshëm që mund ti bëhej fëmijës në Turqi. Beqaj u kërkoi të mos bënin politike me hallin që ka zënë familjen Maze. Në debat e sipër nga vendi (pa mikron) Beqaj i tha “kafshë” Aliba Dedës. Ish-kryetarja e Kuvendit Jozefina Topalli ka këmbëngulur që seanca të ndërpritet dhe të mblidhet Byroja e Kuvendit. Drejtuesi i seancës parlamentare, Edmond Spaho ndrëpreu seancën edhe pse u kundërshtua nga deputetët e majtë.