Mësohet identiteti i ish-sulmuesit të Kombëtares së Shqipërisë që u përmend nga mediat austriake se ka trukuar ndeshje në Gjermani. Burime të sigurta për newsport.al bëjnë me dije se bëhet fjalë për Altin Rrakllin, i cili tashmë është vendosur në pranga dhe po mbahet në një burg në Klagenfurt në Austri, raporton newsport.al.
Rraklli akuzohet se ka manipuluar tri ndeshje futbolli përmes marrëveshjeve me lojtarët e futbollit, që kanë kontribuar në sezonin 2010-2011 për një mashtrim me baste, duke ngritur fondet dhe duke vepruar si një ndërlidhës i parave (flitet për një lojë me vlerë prej më shumë se 50.000 euro).
