Prokurorja e Krimeve të Rënda, Donika Prela do të vazhdojë ta mbulojë këtë detyrë edhe në vazhdim.
Vendimin e ka dhënë sot Komisioni i Pavarur i Kualifikimit, organ i procesit të Vettingut
“Pas një denoncimi publik, trupi gjykues ka njoftuar shtyrjen e seancës, duke konsideruar të nevojshëm verifikimin e këtij denoncimi nëse kishte elementë për rihapjen e hetimit. Verifikimet çuan në përfundimin se deri më tani nuk ka indicie të nevojshme për të cuar në rihapjen e hetimeve”- u tha në krye të seancës.
Më tej trupi gjykues vlerësoi se pasi shqyrtoi dokumentacionin, zhvilloi një procedurë të thellë hetimi për tre kritere, dëgjoi subjektin e rivlerësimit dhe në përfundim u vendos konfirmimi në detyrë për prokuroren Donika Prela.
Një javë më parë Komisioni i Pavarur i Kualifikimit shtyu vendimin për Donika Prelën, pas problemeve që u konstatuan në pasurinë e të shoqit, që nuk kishte paguar taksat në kohën kur punonte si inxhinier në një kompani.
Akuza të cilat u artikuluan edhe nga opozita që kërkoi shkarkimin e Prelës. D.l
