E fundit/ Aksidenti tragjik në Shkodër, humb jetën babai dhe foshnja 8 muajshe

Nuk janë zbardhur ende rrethanat e aksidentit të frikshëm të ndodhur rreth një orë më parë në aksin Shkodër-Velipojë pranë Kishës së Velipojës, ku nga përplasja e dy mjeteve të tipit Alfa Romeo dhe Hyundai kanë mbetur të plagosur 7 persona, por nga ajo çfarë shikohet në foto duket se përplasja e mjeteve ka qenë kokë më kokë. Kjo është edhe arsyeja e numrit të lartë të personave të lënduar, ku thuhet se 3 janë në gjendje të rëndë. Sikundër konstatohet edhe nga fotoja njëra nga makinat për shkak të përplasjes së fortë ka kaluar trafikndarësen duke u dëmtuar rëndë. Ndërsa në minutat e fundit bëhet e ditur se si pasojë e aksidentit kanë humbur jetën babai dhe foshnja 8 muajshe.