Një aksident i rëndë rrugor ka ndodhur këtë mëngjës në Gjirokastër. Sipas raportimeve më të fundit aksidenti ka ndodhur në aksin rrugor Gjirokastër-Kakavijë, në vendin e quajtur Grapsh, ku një makinë Ford me targa AA 928 MD, ka dalë nga rruga dhe ka përfunduar në kanal. Bëhet e ditur se mjeti drejtohej nga shtetasi A.N 30 vjeç nga fshati Plesat. Bashkë me të udhëtonin edhe dy pasagjerë G.Sh. dhe L.M., po banuese në fshatin Plesat, Gjirokastër. Për pasojë G.Sh, dhe A.N. kanë humbur jetën, ndërsa L.M., ndodhet në spital jashtë rrezikut për jetën.
