Një tjetër aksident i rëndë ka ndodhur mbrëmjen e sotme në Elbasan, ku raportohet për disa persona të plagosur.
Aksidenti ka ndodhur në vendin e quajtur “Colombo”, në Mengel, ku dy automjete që lëviznin me shpejtësi janë përplasur kokë më kokë.
Automjetet janë shkatërruar pjesërisht, ndërsa njëri prej tyre ka përfunduar jashtë rruge dhe ka rënë në një kanal.
Për shkak të goditjes së fortë disa persona kanë mbetur të plagosur rëndë.
Mësohet se dy nga të plagosurit janë transportuar në spital në gjendje kritike.
Në vendin e ngjarjes kanë shkuar forcat e policisë si dhe ambulanca.
Ndërkaq, një tjetër aksident është shënuar po mbrëmjen e sotme në aksin Shkodër-Postribë, pranë fshatit Bardhaj. Policia ka shkuar në vendngjarje dhe kanë nisur hetimet.
Raportohet se janë plagosur 3 persona dhe të gjithe ndodhen jashte rrezikut per jeten.
