Një aksident i rëndë ka ndodhur pak minuta më parë në kryqëzimin e Zogut të Zi në Tiranë. Sipas të dhënave të Policisë, një këmbësore ka mbetur e plagosur pasi është përplasur nga një automjet në lëvizje. Nuk dihet ende shkaku i aksidentit ndërkohë që Policia po punon për zbardhjen e rrethanave të aksidentit. Mësohet se gjendja e këmbësores së aksidentuar është e rëndë.
Informacion paraprak.
Me datë 07.01.2018, rreth orës 14:00, në Sallën Operative ka ardhur një telefonatë se në rrugën “Dritan Hoxha”, ka një aksident. Menjëherë në vendgjarje kanë mbëritur shërbimet e Policisë dhe Ambulanca, ku nga verifikimet paraprake rezulton se: Në rrugën ” Dritan Hoxha”, mjeti me targë TR 7904 I, me drejtues R. K., ka aksidentuar këmbësoren H. B., 55 vjeç, e cila u transportua në spital dhe ndodhet jashtë rrezikut për jetën. Grupi hetimor po kryen veprimet e mëtejshme për përcaktimin e shkakut të aksidenit. Drejtuesi i mjetit është shoqëruar në Polici për veprime të mëtejshme.
