Rindizet debati mes reperave?
Kompania muzikore e krijuar nga reperi Getoar Selimi e njohur me emrin “Babastars” prej disa ditësh është në krizë. Disa nga reperët që kanë qenë pjesë e grupimit kanë konfimuar largimin duke krijuar kështu një pikëpyetje të madhe për vazhdimësinë e “Babastars” në tregun muzikor.
Por ndërkohë që mediat po vlojnë prej disa ditësh nga këto lajme, themeluesi i grupit të njohur kosovar, Getoar Selimi nuk ka bërë asnjë reagim apo postim lidhur me këtë situatë.
Përkundrazi, Ghetto Geasy vazhdon të shijojë pushimet dimërore në krah të bashkëshortes së tij, prezantueses Marina Vjollca në Shtetet e Bashkuara të Amerikës. Çifti i njohur i showbizit gjendet përtej oqeanit që prej fillimit të këtij viti dhe një nga postimet e Getoarit ishte në një helikopter dhe përdori si diçiturë “flight mode”.
Nëse ju kujtohet, një ndër këngët më të pëlqyera të Noizyt është pikërisht “Flight Mode” me Lil Koli.
Dhe me siguri pasi fansat i kujtuan Getoarit në këtë postim, se “Flight Mode” është kënga e Noizyt, ky i fundit publikoi një video nga kënga, por që më pas u fshi./intv.al
