Një tjetër goditje ndaj karteleve të drogës ka arritur prokuroria e Selanikut në bashkëpunim me DEA-n amerikane.
Mediat greke bëjnë me dije se janë sekuestruar 160.5 kilogramë kokainë që kishte mbërritur në portin e Selanikut dhjetë ditë më parë dhe ishte vendosur në në dy kontejnerë me banane.
Dërgesat janë të lidhura me 105 kg kokainë të kapur në mes të muajit të kaluar dhe thuhet se janë dërguar nga e njëjta kompani nga Ekuadori dhe janë marrë nga e njëjta kompani me qendër në Shkup.
Për rastin 105 kg u arrestuan 10 persona, mes të cilëve edhe një mjek 68-vjeçar, i përfshirë edhe në kontrabandë karburantesh dhe cigaresh. Nëntë nga të arrestuarit janë dërguar në burg.
Tashmë sigurimi i Selanikut pritet t’i dërgojë hetuesisë të dhënat e reja për të plotësuar dosjen e ngritur tashmë për 105 kilogramët kokainë.
