Me qindra vajza të mitura kanë folur në Facebook me një 40-vjeçar shqiptar që është baba fëmijësh. Ai jetonte në fshatin Ilia afër Vardas në Greqi dhe është arrestuar për ponografi fëmijësh më 23 maj, por dje ka dalë para gjyqtarit.
Në seancën gjyqësore sot, shqiptari kërkoi falje para gjyqtarit Amalidas sëbashku me kushuririn e tij 32 vjeçar, që ishte arrestuar po ashtu për të njëjtën çështje.
Policia gjeti në telefonin e shqiptarit, mbi 500 video dhe fotografi vajzash të vogla lakuriq, të siguruara nga dhjetë profile të rreme që ai kishte hapur në facebook duke u paraqitur herë si burrë dhe herë si femër.
Policia greke ëhstë duke hetuar se ku tjetër është dërguar materiali pornografik me fëmijë, që ekzistonte fillimisht vetëm në celularin e tij dhe nuk ishte gjetur në kompjuterin e tij.
I arrestuari ka folur me qindra vajza të mitura nga 12 vjeçe e sipër, herë duke i bindur e herë duke i kërcënuar, me qëllim që të siguronte videot dhe fotografitë e tyre lakuriq, shkruan Syri.net, duke ju referuar mediave greke.
Policia greke njoftoi se dy burra, shtetas të huaj, 40 dhe 32 vjeç, janë arrestuar më 23 maj 2017 në rajonin e Ilias të akuzuar për pornografi fdëmijësh dhe joshjen e fëmijëve për qëllime seksuale dhe paraqitjen pornografike të të miturve. Arrestimi i dy personave ishte rezultat i një investigimi të oficerëve të policisë të Bardha në bashkëpunim me Zyrën e Prokuroti të krimit Elektronik.
Në veçanti, policia hetoi 40-vjeçarin që përdorte profile të rreme në rrjetet sociale dhe bisedonte me të mitura.
