Detaje të reja janë zbardhur nga ngjarja e ndodhur ditën e sotme në Sarandë, ku një 12-vjeçare ukrainase u soll me helikopter drejt Tiranës, pasi e ëma i kishte dhënë gabimisht mbidozë Ibuprofeni.
Mjekja pediatre në spitalin “Petro Nako”, në Sarandë, Eranda Andoni, ka treguar se turistja 12-vjeçare kishte konsumuar 5 tableta Ibuprofen me nga 400 mg secila.
“Vajza kishte rreth 2 orë që i kishte konsumuar tabletat Ibuprofen, 5 të tilla me nga 400 mg secila. Ia kish dhënë e ëma. Erdhi e topitur dhe me dhimbje të forta barku që ta jep intoksikimi nga Ibuprofeni”, ka thënë mes të tjerave mjekja pediatre.
Ndërkohë që bëhet me dije se 12-vjecarja tashmë paraqitet në një gjendje shëndetësore të stabilizuar./Opinion.al
