Ronald Koeman është trajneri i preferuar i drejtuesve të Arsenal për të qenë pasardhësi i Arsene Wenger. Holandezi ka treguar se ka kualitetet e duhura për të qenë trajneri i Topçinjve. Ai arriti të paraqitej më mirë seç ishte parashikuar te Southampton dhe të njëjtën gjë ka treguar edhe te Everton duke udhëhequr ekipin në vend të shtatë të renditjes së Premier League.
Por Arsenal nuk është ekipi i vetëm që është vënë pas holandezit, teksa edhe Barcelona e sheh si njeriun ideal për të zëvendësuar Luis Enrique pasi ky i fundit ka deklaruar se do të largohet në fund të sezonit.
Tekniku i Everton është një ikonë në Barcelonë pasi shënoi golin që i siguroi fitoren në Kupën Europiane të vitit 1992. Por The Mirror raporton se Arsenal kërkon Koeman nëse, siç pritet, Wenger të heqë dorë nga stoli i londinezëve këtë verë. Max Allegri, Diego Simeone dhe Eddie Howe janë kandidatët e tjerë për të zëvendësuar francezin. Ndërkohë, Barcelona e ka zakon kohët e fundit të emërojë njerëz të së shkuarës si trajnerin e ekipit.
