E dinit që përveç shenjës së horoskopit, keni dhe një shenjë hënore? Ja si ta zbuloni atë (Pjesa 1)

Shumë prej nesh jemi familjarë me shenjën e diellit, ose ndryshe shenja e horoskopit që lidhet me personalitetin. Këto shenja janë edhe baza e parashikimeve mujore të horoskopit.
Por shenjat e hënës janë diçka komplet ndryshe. Në astrologji, ndërsa dielli reflekton personalitetin tuaj të jashtëm, shenja e hënës kontrollon emocionet, ndjenjat dhe gjendjen shpirtërore. Për të gjetur shenjën e hënës të cilës i përkisni, nevojitet data, vendi dhe ora kur keni lindur. Hëna lëviz çdo dy ose dy ditë e gjysëm në horoskop dhe shenja e hënës mund të jetë ndryshe nga shenja e diellit. Prandaj duhen kaq shumë specifika.
Ka shumë kalkulatorë online që ju ndihmojnë të gjeni shenjën tuaj të hënës, si për shembull CafeAstrology.com. Nëse e keni gjetur cilës shenjë hëne i përkisni, atëherë mund të lexoni karakteristikat më poshtë:
Dashi – Nëse shenja juaj e hënës është dashi, ju ndiheni më të plotësuar në një ambient që ju lejon të flisni për ndjenjat. Keni nevojë të jeni i pari, qoftë edhe në një garë për të ngjitur shkallët. Frymëzoheni lehtësisht dhe hidheni në sulm edhe pa e kuptuar mirë se çfarë doni. Ama ju pëlqen gjithashtu të ndiheni të sfiduar dhe luftoni për gjërat që besoni.
Demi – Gjuha e dashurisë për ju vjen në formën e dhuratave. Gjithashtu ju pëlqen rehatia. Në përgjithësi nuk ka asgjë të keqe por kjo ju bën edhe që të rrini në një situatë apo lidhje të keqe nëse ana materiale është mirë. Seksi i mirë është gjithashtu shumë i rëndsishëm për ju, dhe nëse kjo mungon, gjasat janë të tradhëtoni partnerin. Nuk ju pëlqen t’ju shtyjnë të ndërmerrni veprime. Parapëlqeni të keni kohën që ju nevojitet për t’u menduar përpara.
Binjakët – Ju keni nevojë të dëgjoheni, në punë dhe në jetë. Kjo vlen edhe për lidhjet, – ju duhet një partner që është i mirë në komunikim, përndryshe nuk funksionon. Keni nevojë të jetoni në paqe dhe nëse nuk e keni gjetur ende, ju do të vazhdoni të punoni deri sa ta gjeni. Ka shumë gjasa të mbani lidhje paralele deri sa ta kuptoni se çfarë ju pëlqen.
Gaforrja –Ju jeni shumë emotiv dhe keni tendencën të ndjeni shumë. Ju dëshironi të kujdeseni për të tjerët, por thellë keni dëshirë që edhe për ju të kujdeset dikush. Mund të mbani lidhjet e vjetra vetëm sepse nuk doni të shkojë kot mundi dhe energjia, kjo e bën të dhimbshme ta lësh të shkuarën pas. Gjithashtu dëshironi një shtëpi ku të ndiheni rehat, dhe ju pëlqen ideja e krijimit të familjes.
Luani – Luanit i pëlqen të shkëlqejë dhe të jetë në qendër të vëmendjes. Keni një nevojë emocionale të ndiheni të vlerësuar, qoftë në punë apo në një lidhje. Edhe pse dëshironi që çdokush ta shohë që jeni i veçantë, bota nuk funksionon kështu – mësohuni me idenë. Juve ju pëlqen shumë të bëni qejf dhe festa, mund të jeni shumë bujarë dhe besnikë me miqtë, por kujtohuni që njerëzit ndryshojnë dhe jo gjithmonë e meritojnë dashurinë tuaj.
Virgjërsha – Nëse shenja juaj e hënës është virgjëresha, s’është çudi që ju duhet se s’bën rregull në jetën taj. Ndoshta dollapi i rrobave apo puna, nuk ka rëndësi, thjesht keni nevojë ta rregulloni sipas nevojave tuaja. Kujtohuni që perfeksioni nuk është gjithmonë i mundur dhe mësoni ta lini pas. Ju ndiheni të lumtur dhe të plotësuar kur jetoni një stil jete të shëndetshme. Mund të jeni shumë përzgjedhës në lidhje, por s’ka asgjë të gabuar këtu për sa kohë nuk jeni përgjedhës aq sa të argoni nga vetja njerëz të mrekullueshëm./ Opinion.al