Qytetarët shqiptarë duhet të qëndrojnë në karantinë të plotë gjatë fundjavës. Përjashtim kanë bërë për orare të caktuara, pensionistët të shtunën dhe nënat me fëmijë deri 10 vjeç të dielën.
Por duket se Presidenti Meta nuk ka qëndruar i mbyllur në shtëpi por ka vendsur të shijojë kohën e bukur me diell duke bërë një udhëtim në vendlindjen e tij, në Çepan të Skraparit.
Ai ka publikuar foto në Facebook dhe Twitter nga pjesazhi piktoresk i zonës dhe bën të ditur se është i shoqëruar nga këshilltari i tij për komunikimin me meidat, Tedi Blushi.
Meta ka bërë gjithashtu një vizitë tek një nga banorët e zonës i cili është djali i Servet Bashos, figurë e shquar e zonës sipas Presidentit, i cili kishte ndërruar jetë këtë javë.
Presidenti gëzon leje për të lëvizur gjatë kësaj periudhe edhe kur për të tjerët është e ndaluar por a janë shëtitjet e tij në natyrë dhe diell frymëzuese për mijëra të tjerë që diellin e shohin vetëm nga dirtarja? /Opinion.al
Me Tedin sot në Çepan, dhe së shpejti në Blush. pic.twitter.com/K3vUipZk5t
— Ilir Meta (@ilirmetazyrtar) April 26, 2020
