Ambasadorja e Shteteve të Bashkuara të Amerikës, Yuri Kim, ka reaguar pas gjuhës së dhunshme që është përdorur ndaj gruas, në Kuvendin e Shqipërisë.
Kim ka dënuar politikanët shqiptar, duke thënë se ky është një fakt i papranueshëm dhe se udhëheqësit duhet të kenë kujdes për shembullin që japin.
“Është e nevojshme të themi sot atë që kishim planifikuar për të thënë në 25 Nëntor (kur do të nisin 16 ditët e aktivizmit kundër dhunës gjinore): Gjuha e dhunshme dhe degraduese ndaj femrave, sidomos në Parlament, është e papranueshme. Udhëheqësit politikë duhet të kenë kujdes me shembullin që japin”-shkruan Yuri Kim në Twitter.
Duhet thënë se reagimi i ambasadores amerikane vjen pas gjuhës së përdorur nga kryeministri, Edi Rama dhe kryetarit të Grupit të PS, Taulant Balla, ndaj deputeteve të opozitës, Jorida Tabaku dhe Grida Duma . Kreu i qeverisë gjatë seancës së sotme plenare e cilësoi deputeten Tabaku dhe shifrat ekonomike të prezantuara prej saj si “balonë tabake”. Ndërkohë që Taulant Balla ka replikuar me tone të ashpra nga vendi me Grida Dumën./Opinion.al
Seems necessary to say today what we planned for Nov 25 (beginning annual 16 days of activism against gender violence): Violent, degrading language against women – especially televised from Parliament – is unacceptable. Leaders should be mindful of the example they set.
— Ambassador Yuri Kim (@USAmbAlbania) November 15, 2021
