Një ngjarje e pazakontë është shënuar ditën e djeshme në Komisariatin e Policisë, Shijak.
Mësohet se një burrë, identiteti i të cilit nuk bëhet i ditur, ka marrë urdhër mbrojtje për shkak të dhunës sistematike që ushtronte bashkëshortja ndaj tij.
“Më datë 08.06.2017, u plotësua kërkesë-padia për lëshimin e Urdhrit të mbrojtjes së menjëhershme, për shtetasin A.T, vjeç 48, banues në Shijak, pasi dyshohet se bashkëshortja D.T, vjeç 38, ka ushtruar dhunë fizike e psikologjike ndaj tij,” shkruhet në njoftimin e policisë.
Materialet i kaluan Gjykatës së Rrethit Gjyqësor Durrës për masa ndaj dhunës në marrëdhëniet familjare.
