27-vjeçari Bledar Pula është deklaruar i vdekur nga policia e Delvinës pas një aksidenti rrugor të ndodhur në aksin Sarandaë- Delvinë mbrëmjen e djeshme. Por në mëngjes, kanë qenë gjithashtu burimet e policisë, që kanë bërë me dije se Pula është ende në jetë, duke u kërkuar ndjesë familjarëve për gabimin e një nate më parë. Ngjarja ka ndodhur në aksin Ura e Gajdarit- Delvinë rreth orës 23:30, ku 27-vjeçari që po lëvizte me motoçikletë, është përplasur nga një makinë tip “Audi” që drejtohej nga shtetasi Igli Seiti.
NJOFTIMI I POLICISE
Në lidhje me njoftimin e dhënë nga policia për aksidentin e ndodhur në 09.07.2016, rreth orës 20:00, në aksin rrugor SarandëDelvinë, ndërmjet një automjeti dhe një motorçiklete, sqarojmë se: Në informacionin paraprak njoftuam se drejtuesi i motorçikletës shtetasi Bledar Pula, 27 vjeç, banues në Delvinë, kishte ndërruar jetë. Fatmirësisht ky shtetas është ende në jetë, megjithëse në gjendje shumë të rëndë. Gjithashtu edhe pasagjeri që udhëtonte në automjetin që drejtohej nga Igli Seiti ( pasagjeri Sh.S është babai i Iglit), ndodhet në gjendje të rëndë në spital. Policia u kërkon ndjesë familjarëve për këtë lapsus të ardhur si pasojë e komunikimit të parë në momentin e aksidentit.
AKSIDENTI
Aksidenti ku u plagos Bledar Pula ndodhi rreth orës 20:30 të së shtunës. 2
