E dashura e përfolur e Vladimir Putin ka dy shtëpi të reja luksoze në shtetin anëtar të NATO-s, Turqi, sipas një burimi të opozitës ruse.
Mediat shkruajnë se Alina Kabaeva, 39 vjeç, tani zotëron një shtëpi verore në Turqinë jugore dhe një shtëpi në Stamboll.
Thuhet se pronat janë blerë në Turqi nëpërmjet një ndërmjetësi dhe ndihmësi të ngushtë të presidentit të vendit Rexhep Tajip Erdogan, pretendoi biznesmeni izraelit me origjinë ruse Leonid Nevzlin, i cili është armiku kryesor i Putinit.
Kabaeva besohet se është e dashura e presidentit rus dhe nëna e katër fëmijëve të Putinit, të cilët ai kurrë nuk i ka njohur zyrtarisht.
Një ndërmjetës ‘përmes një ndihmësi të ngushtë të Erdoganit…. organizoi blerjen e një shtëpie verore për Alina Kabaeva në Turqinë jugore dhe një shtëpi në Stamboll”,-mësohet të ketë thënë Nevzlin.
Ai pretendoi se lideri turk kishte ‘akorduar’ rojen e tij presidenciale në ‘shtëpitë’ e shtrenjta. Megjithatë, nuk u dhanë detaje specifike në lidhje me pronat e supozuara.
Gjatë luftës aktuale në Ukrainë, Kabaeva është sanksionuar nga Britania, BE-ja dhe Kanadaja për lidhjet e saj të supozuara të ngushta personale me Putinin.
Nevzlin nuk dha asnjë provë specifike për pretendimin e tij mbi dy shtëpitë e supozuara./Opinion.al
