Një 50-vjeçar me probleme mendore ka humbur jetën të hënën, duke u hedhur nga kati i 3-të i Spitalit Rajonal të Vlorës.
Burimet nga policia thanë se shtetasi me inicialet M.K., ishte dërguar për t’u kuruar në spital, por 50-vjeçari ka arritur t’u largohet shërbimeve dhe është hedhur duke ndërruar jetë në çast.
Informacion paraprak nga Policia e Vlorës:
Më datë 13.08.2018, shërbimet e Spitalit Psikiatrik Vlorë, kanë dërguar për të marrë ndihmë mjekësore në Spitalin Rajonal Vlorë, shtetasin me probleme mendore M. K., 50 vjeç, i cili ka mundur tu largohet shërbimeve dhe është hedhur nga kati 3 i spitalit, duke ndërruar jetë në çast.
Grupi hetimor ka nisur punën për kryerjen e veprimeve të mëtejshme hetimore për rastin në fjalë.
