Ndërsa mediat ndërkombëtare ironizuan veshjen e diktatorit korean Kim Jong-un gjatë vizitës në Kinë, duket se nuk mund të thuhet e njëjta gjë për bashkëshorten e tij, që e shoqëronte në këtë vizitë.
Një grua diskrete, që nuk është parë shpesh në krah të presidentit korean, Ri, sikurse njihet tashmë publikisht, shfaqet e veshur me shije perëndimore dhe mbi të gjitha është një grua e bukur.
Por sikurse shumë detaje mbeten sekrete në jetën e diktatorit Kim, edhe jeta e tij bashkëshortore mbart mistere.
Ri Sol-ju ose Lee Seol-ju, u shfaq për herë të parë publikisht në krah të presidentit në vitin 2012, duke ngritur pikëpyetje e madje edhe spekulime nga mediat, se cila mund të ishte ajo.
Shërbimet inteligjente të Koresë së Jugut tentuan ta identifikojnë atë me Hyon Song-wol, një ish-këngëtare e grupit popullor Pochonbo Electronic Ensemble, në Korenë e Veriut. Megjithatë në 25 Korrik të vitit 2012, media shtetërore e Koresë së Veriut, bëri me dije se ajo ishte se ajo ishte bashkëshortja e Kim, shoqja Ri Sol-ju”.
Po në këtë kohë, ajo u shfaq në një koncert Gala në Korenë e Veriut, veshur me një kostum të zi sipas stilit Chanel, i konsideruar i papërshtatshëm për gratë në këtë vend.
Nga viti 2012 deri ne 2014, Ri u shfaq në disa ambiente publike duke shoqëruar të shoqin, por gjithmonë e më pak në vitet që pasuan.
Identiteti i saj është i dyshimtë, emri i saj gjithashtu i veshur në mister, sikurse edhe mosha dhe familja e saj janë krejtësisht të panjohura, duke lënë vend për spekulime. Mendohet se vjen nga nje familje ngritur, ku i ati ka qene profesor dhe e ema mjeke.
Sherbimet inteligjente te Korese Jugore, mendojne se ajo sot eshte 28 vjece.
Besohet se Ri është martuar me ngut me Kim në vitin 2009, sepse Kim Jong-li i cili aso kohe kishte pësuar goditje cerebrale, dëshironte që të siguronte pasardhësin. Gjithashtu besohet se fëmija i parë ka lindur pas një viti, ndërsa dy fëmijë të tjerë janë ardhur në jetë në vitet 2013 dhe 2016.
Ylli i basketbollit Dennis Rodman pas kthimit nga një vizitë në Korenë e Veriut, njëherë në një intervistë pati zbuluar se fëmija i parë i Kim quhet Ju-edhe është vajzë.
Para se të martohej me Kim, Ri po ndiqte një kurs gjashtëmujor në institucionin më prestigjioz të arsimit në Korenë e Veriut, “Kim Il-sung University”, për t’u përgatitur për funksionin e zonjës së parë. Në të njëjtin universitet, ajo dyshohet se u diplomua disa vite më parë. / Opinion.al
