Prokuroria kërkon ndalimin e ushtrimit të detyrës për deputetët Dashamir Tahiri (PDIU), Shkëlqim Selami (LSI) dhe kryetarin e bashkisë së Kavajës Elvis Roshi (PS).
Sipas Prokurorisë, tre zyrtarët s’kanë deklaruar në formularin e vetëdeklarimit dënimet jashtë vendit.
Dashamir Tahiri s’ka deklaruar në formular se në 1995 është deportuar nga policia në Fogia, Itali për falsifikim parash. Ndërsa në Ravena është dënuar për drejtim mjeti me dokumente false.
Shkëlqim Selami nuk ka deklarur se ka patur masë sigurimi arrest me burg nga gjykata e Brindisit si i dyshuar për organizatë kriminale të trafikut të qenieve njerëzore.
Elvis Roshi nuk ka deklaruar vepren penale “përdhunim në grup” në Itali në 1993. Po kështu nuk ka deklaraur se ka hyrë në mënyrë të paligjshme në Zvicër dhe është ndaluar.
Në 2015-ën, DEA ka informuar autoritetet zvicerane se po hetonin një person me ermin Enver Roshi për trafik droge dhe pastrim parash.
Prokuroria ka nisur hetimet dhe veprën penale për falsifikimin e formularëve. Vijon procedura e verifikimit edhe për një numër të konsiderueshëm zyrtarësh.
