Adhurues i makinave luksoze, Noizy ka bërë një koleksion të tërë, nisur që nga Ferrari i tij i kuq aq shumë i përfolur, Rolls Royce i njëjtë me atë të Kim Kardashian, e për të vazhduar me makinën më të fundit, të blerë vetëm pak ditë më parë.
Noizy firmosi kontratën me “Auto Star Albania”, pjesë e “Kastrati Group”. Por duket se një makinë e këtij lloji nuk është edhe aq e thjeshtë në përdorim. Ndonëse shumë komode dhe chic në pamje të parë, makina e re e reperit ka 1001 opsione, të cilat ai ende nuk ia ka mësuar.
Të paktën kështu ka zbuluar vetë reperi në rrjetet sociale, i cili ka publikuar një video, përkrah së cilës ka treguar se nuk di ç’të bëjë me gjithë këta butona që ka makina e tij.
Por, me siguri reperit do t’i duhet edhe pak kohë për ta eksploruar tërësisht.
