Një shëtitje e 42-vjeçares Angeline Jolie me të bijën, Vivienne, bëri që mediat e huaja të vinin në dukje ngjashmërinë e madhe fizike që kanë nënë e bijë. “Copy-paste, ka mundësi të kenë një ADN” shkroi revista “People”. E teksa të gjithë ishin kuriozë të dinin ç’mendonte Brad Pitt për këtë, burime pranë tij kanë treguar për ‘Hollywoodlife’, se ai ndihet i lumtur për ngjashmërinë e madhe të vajzës së tij Vivienne, me ish partneren Angeline Jolie.
Pitt ka thënë se Jolie vazhdon të mbetet një nga femrat më të bukura që ai ka njohur në jetën e tij. Sipas burimit Pitt në fund të fundit është mirënjohës ndaj saj për çdo gjë që kanë kaluar bashkë. Burimi shton se Brad ndihet i lumtur sa herë sheh që fëmijët janë të lidhur me të ëmën e tyre përmes tipareve fizike, por dhe cilësive të tjera.
Ndarja e çiftit është padyshim ndër më të bujshmet e viteve të fundit, pasi Angelina Jolie dhe Brad Pitt thyen imazhin e çiftit perfekt duke nisur një betejë ligjore tepër të ashpër për divorcin dhe kujdestarinë e 6 fëmijëve të tyre, Maddox, Pax, Zahara, Shiloh dhe binjaket Vivienne dhe Knox./E.M
