Në vitin 2014, Dylan Farrow shkroi një letër publike ku akuzonte babain e saj, regjizorin e famshëm Woody Allen për abuzim seksual. Në letrën e publikuar nga New York Times, ajo rrëfen si Allen shpesh fuste kokën mes kofshëve të saj të zbuluara dhe merrte frymë i rënduar. Dylan, e cila është e bija e adoptuar e Allen dhe aktores Mia Farroë shton se ai kishte filluar të abuzonte me të qëkur ishte 7 vjeç. Një gjykatës gjatë viteve ’90 i kishte konsideruar të turpshme këto veprime, por nuk e kishte vazhduar çështjen në gjyq më tej.
Dylan e ka mbështetur publikisht lëvizjen Time’s Up dhe protestën me veshje të zeza në Golden Globe. Megjithatë ajo ka shprehur pikëllimin e saj për faktin se shumë aktorë që gjithashtu kanë thënë #timesup me zë të lartë, vazhdojnë të punojnë me babain e saj adoptiv.
“E kam të vështirë të përtyp faktin që të njëjtit njerëz që mbështeshin këtë kauzë, vazhdojnë ta ushqejnë si kulturë nëpërmjet veprimeve të tyre”.
Kjo deklaratë i referohej drejtpërdrejt aktores Blake Lively dhe Justin Timberlake. Ajo i drejtohet aktores në Twitter me këto fjalë:
“Ti ke punuar me abuzuesin tim @blakelively. A jam edhe unë e rëndësishme?”
Ndërsa për këngëtarin dhe aktorin Timberlake ajo thotë se ‘nuk e kupton si Justin një ditë thotë Time’s Up dhe ditën tjetër thotë se të punosh me Woody Allen është një ëndërr e bërë realitet.
Përveç Lively dhe Timberlake, shumë aktorë të tjerë që kanë punuar me Allen e kanë mbështetur publikisht lëvizjen. Emma Stone, Greta Gerwig,Cate Blanchet, Scarlett Johansson janë disa prej tyre.
