Të tjera detaje janë bërë të ditura lidhur me vrasjen e 51-vjeçarit shqiptar në Selanik. Mësohet se shkak i vrasjes se Shpëtim Bajramit është bërë trafiku i drogës. Mediat greke shkruajnë se 51-vjeçari nga Elbasani, udhëtonte 3-4 herë në muaj drejt Shqipërisë.
Madje vetëm një ditë para ngjarjes kishte mbërritur sërish në Greqi pas një udhëtimi në vendlindje. Ai përdorte itinerarin Shkup – Pogradec dhe kthehej në Greqi përmes Kapshticës.
Mediat greke shkruajnë se 51-vjeçari nuk rezulton me precedentë penal në Shqipëri e Greqi edhe pse kishte informacione për trafikun e drogës.
Ndërkaq autori i vrasjes, sipas medias greke “IEfimerida”, rezulton i lidhur me një nga familjet më të rrezikshme të Elbasanit, ndërkohë që rezulton i dënuar në Greqi për drogë.
Ndërsa dëshmitarët tregojnë se mes autorit dhe viktimës pati një debat.
Pjesë e dialogut:
Viktima: E kam bërë punën, më jep lekët.
Autori: Unë t’i kam dhënë, nuk të kam asgjë borxh.
Autori qëlloi Bajramin nga një “Peugeot” e zezë e cila rezulton në pronësi të Elena Kurtit, 48 vjeçe nga Elbasani, e cila dyshohet gjithashtu për trafik droge./Opinion.al
