Shefi i komisariatit të Polisë së Patosit, Flamur Veliu u arrestua dy ditë më parë nga nga SHÇBA, pasi dyshohet se ka bërë aksident në gjendje të dehur. Gjykata vendosi që hetimet për komisarin të zhvillohen në gjendje të lirë, duke e lënë në masën “detyrim paraqitje”.
Pas ka lënë qelinë e paraburgimit, Flamur veliu ka dalë para medias jo pak i revoltuar me eprorët e tij në ministri dhe konrektisht strukturën e Kontrollit të Shërbimit të Brendshëm dhe Ankesave (SHÇBA).
“Nuk kam qene i dehur. Testi i alkoolit është bërë disa orë pas ngjarjes. Jam lënë i lire pas fërkimit të mjeteve më pas jam shoqëruar në komisariat ku më është bërë testi i alkoolit, në shkelje ligjore”, tha ai.
Kryekomisari është i vendosur ti shkojë deri në fund, në të gjitha shkallët gjyqësore, për të vendosur dinjitetin në vend, ndërsa i bën thirrje SHCBA-së të hetojë policët që kanë bërë miliona dhe kanë vendosur pasuri.
“Jam oficer karriere i shkolluar. Kam dy shkolla të larta që nuk kam marrë asnjë masë disiplinore. Nuk e kuptoj cili është shkaku që ne ndëshkohemi, sa më korrekt të jesh në detyrë aq më shumë e pësoke. Unë nuk kam asnjë lloj lidhje me alkoolin. Kam probleme shëndetësore por alkooli është i papranueshëm. Do ti sugjeroja Shërbimit të Brendshëm të merret më shumë me korrupsionin e njerëzve që kanë vënë pasuri. Unë kam qenë dy herë shef komisariati dhe po të vish në shtëpinë time, kam vetëm 70 metra katrorë në një pallat të vjetër. Ndërkohë që ata që kanë qenë në vendin tim sot kanë miliona, kanë vila, biznese, gjithçka”, deklaroi ai.
