Edmond Omeri u arrestua disa ditë më parë, si pjesë e një mega operacioni, siç tha policia, në bashkëpunim dhe me autoritetet e huaja. Atij iu vunë prangat gjatë operacionit “Rrugë e gabuar”, pasi sipas organit të akuzës kishte rënë në përgjime telefonike, si pjesëtar i një rrjeti të trafikut ilegal të emigrantëve drejt SHBA-së dhe vendeve të BE-së.
Por Gjykata e liroi 52-vjeçarin pasi, verifikimi i bërë nga vetë trupi gjykues por edhe me akt ekspertimi mjekoligjor, rezultoi ai nuk është në gjendje të flasë .
Për operacionin “Rruga e gabuar”, që u asistua edhe nga agjentët e sigurisë së Shërbimit Diplomatik Amerikan në Tiranë u lëshuan 36 urdhër arreste.
Grupit kriminal iu gjetën 4 laboratorë ku prodhoheshin dokumentet false ndërsa për të siguruar një të tillë paguheshin 10 mijë paund për në Mbretërinë e Bashkuar, deri në 20 mijë euro për në SHBA e Kanada./ Opinion.al
