Aktori i humorit Bes Kallaku këto ditë është përfshirë në vorbullën e skandalit të kompanisë Gulf. Si imazh i saj, Besi u akuzua nga fansat për mashtrim, ndërsa deri më sot nuk kishte ardhur asnjë sqarim nga vetë aktori. Ditën e sotme ai ka vendosur të flasë në lidhje me gjithë këtë situatë, duke u shprehur se njësoj si të tjerët edhe ai është i dëmtuar nga kjo kompani. Në fund ai shprehet se do ti drejtohet rrugës ligjore.
“Sqarim: Ju bëj me dije se kisha rënë dakord që unë të isha imazh i kompanisë Gulf për një kohë prej 7 muajsh duke filluar nga muaji dhjetor. Gjatë këtyre ditëve e kam marrë vesh nëpërmjet medias për falimentimin e kësaj kompanie. Nisur nga dëshira dhe keqdashja e disa portaleve që lidhin figurën time kur njësoj sit ë gjithë të dëmtuarit edhe unë jam pjesë e këtij dëmtimi të imazhit tim moral dhe ekonomik. Më vjen keq për çdo kënd të dëmtuar dhe të mashtruar nga përdorimi i imazhit tim. Mirëkuptoj këdo. Gjithashtu edhe unë do ndjek rrugën ligjore. Zoti ju rujt!” – ka përfunduar Besi fjalën e tij në Instagram.
