Ky është shqiptari 34-vjeçar, Sajmir Hidri, i cili është dëbuar nga Italia. Sipas autoriteteve të vendit fqinj ndërtuesi shqiptar kishte filluar të ndiqte “praktika fetare të ashpra”. Urdhri për dëbimin e tij është dhënë nga Ministri i Brendshëm italian, Angelino Alfano.
Sajmir Hidri jetonte në komunën e Vigarano Mainarda prej 14 vitesh. Nga hetimet ka rezultuar se ai bënte një jetë të dyfishtë mes biznesit të ndërtimit të vilave dhe afrimit me ISIS. Megjithatë në këtë zonë kanë nisur debate të ashpra dhe disa i kanë dalë në mbrojtje.
“Estense.com”, një gazetë lokale ka marrë në intervistë edhe deputetin socialist Parid Cara, që ka jetuar në këtë zonë për shumë kohë.
“Të gjithë ata që e njohin Hidrin thonë se ai ishte një njeri serioz dhe punëtor. Më dhemb kur dëgjoj se një bashkëkombës i imi përshkruhet si terrorist. Unë besoj se për sa kohë ai nuk është dënuar, është i pafajshëm. Për më tepër, Sajmiri nuk ka patur asnjë rol të drejtpërdrejtë në komunitetin islamik”, ka thënë i zgjedhuri socialist. Në mbrojtje të shqiptarit ka dalë edhe kryetarja e baskisë, Barbara Paron./tvklan.al
