Disa ditë më parë aktorja Pamela Anderson i ka habitur të gjithë me postimin në rrjete sociale. Ajo shfaqej me ish të dashurin e saj Adil Rami dhe krahas fotos ka shkruar se prej dy vitesh ka jetuar në një gënjeshtër pasi ai ka patur lidhje paralele. Gjithashtu ajo e ka cilësuar të si monstër.
“Është e vështirë ta pranosh. Dy vitet e fundit të jetës sime kanë qenë një gënjeshtër e madhe. Unë jam mashtruar, më bëri të besoj se po jetonim një dashuri të madhe! Jam e shkatërruar kur e mësova tani në ditët e fundit. Ai po jetonte një jetë të dyfishtë. Ai tallej me lojtarët e tjerë që kishin të dashurat në apartamente pranë grave. I quante ata burra monstra. Por kjo është më keq! Ai gënjeu për gjithçka. Si ka mundësi që i kontrollonte zemrat dhe mendjet e dy grave, jam e sigurt që ka pasur të tjera! Ai është monstra! Si ka mundësi që kam ndihmuar të tjerët dhe nuk isha mjaftueshëm e zgjuar për të ndihmuar veten!,”-ka shkruar Anderson.
Mirëpo pas disa ditësh heshtje ai ka reaguar në rrjete sociale duke mohuar akuzat për tradhti si dhe ka theksuar se e ka respektuar dhe dashur aktoren e njohur:
“Pamela është një person që unë e respektoj shumë dhe për të cilën dashuria ime ka qenë gjithmonë e sinqertë. Kjo është ajo që dua të kujtoj. Thjesht kam dashur të ruaj marrëdhënien me fëmijët dhe nënën e tyre për të cilën kam shumë respekt”,-përfundon Rami./Opinion.al/
