Një 27-vjeçar, i dyshuar për vrasjen e Nard Polisë, i njohur ndryshe si Nardi i Bujtinave më 20 mars të këtij viti, është kapur dhe ekstraduar nga Danimarka.
Kristjan Sulaj (Martini) nga Shkodra, ishte në kërkim ndërkombëtar prej muajit mars pasi është dënuar me burg nga Gjykata e Shkodrës. Ai akuzohet për vrasje me dashje në bashkëpunim me tre persona të tjerë që janë arrestuar, njëri prej të cilëve është vëllai i autorit.
Tre të arrestuarit e tjerë që u kapën menjëherë pas vrasjes janë Alfred Martini 20-vjeç, që është vëllai i autorit, që u ekstradua sot nga Danimarka dhe dy vëllezërit Gilbert Toma 26-vjeç e Kleandro Toma 29-vjeç të dy banues në lagjen “Skënderbeg”.
Vrasja e Polisë ndodhi në vendin e quajtur kryqëzimi i fshatit Grudë, në Shkodër. Ai u vra me armë zjarri brenda automjetit të tij./Opinion.al
