Një infermier gjerman, i dënuar për vrasjen e dy pacientëve me mbidozë të ilaçeve të zemrës, besohet se ka vrarë të paktën 84 persona. Numri i vrasjeve mund të jetë edhe më i lartë, thanë të hënën hetuesit.
Niels Hoegel u dënua në vitin 2015 për dy vrasje dhe dy tentativa të ndodhura në një klinikë në qytetin veriperëndimor të Delmenhorst.
Por prokuroret besojnë se ai ka vrarë më shumë njerëz. Krimet dolën në dritë pasi ndaj Hoegel u ngritën akuza të reja nga një tjetër klinikë. Autoritetet hetuan qindra vdekje, duke zhvarrosur trupat e ish-pacientëve. Një numër i saktë i vrasjeve nuk do të zbulohet kurrë, pasi shumë nga viktimat u dogjën në krematorium.
Zyrtaret thonë se shumë nga vdekjet mund të ishin parandaluar nëse njerëzit përgjegjës nuk do të kishin hezituar të paralajmëronin autoritetet.
Aktualisht, edhe ish pjesëtarë të stafit në të dy klinikat ku ndodhen krimet, po ndiqen penalisht./Tv Klan
