Kanë dalë para Gjykatës së Vlorës dy të rinjtë të cilët akuzohen për përdhunimin e një vajze 26-vjeçare. Bëhet fjalë për Albi Ceno dhe Oltjan Tahiri, për të cilët togat e zeza kanë caktuar masën e sigurisë “Arrest me burg”.
Sipas Euronews, ngjarja e rëndë ndodhi pak ditë më parë, ku dy personat e arrestuar në shoqëri dhe të një personi të tretë të shpallur në kërkim, Gentjano Mehmeti, kanë droguar dhe përdhunuar në ambientet e një hoteli vajzën në fjalë.
Ngjarja u raportua në polici nga recepsionisti i hotelit, i cili gjeti 26-vjeçaren pa ndjenja. Pasi vajza u përmend në spital, ajo tregoi të gjithë atë që kishte ndodhur dhe personat që e kishin përdhunuar.
Pas 24 orësh, e reja u përmend dhe tregoi në lidhje me ngjarjen.
Fillimisht policia në një njoftim zyrtar bëri me dije se ishin tre persona që kishin marrë pjesë në ngjarjen e rëndë, ndërsa ditën e djeshme në një reagim të dytë njoftoi për një person të katërt.
Në lidhje me ngjarjen është kërcënuar dhe gazetarja Afrovita Hysaj e cila e denoncoi publikisht në media.
Pronari i një televizioni lokal në qytetin e Vlorës, përmes një postimi në rrjetet sociale kishte denigruar dhe fyer gazetaren, duke e akuzuar për mashtrim, pasi kishte deklaruar se në ngjarjen e rëndë ishte i përfshirë dhe djali i tij.
“Je në gjak me mua”, ishte mesazhi që pronari i medias lokale, i dërgoi gazetares, e cila e ka raportuar kërcënimin pranë organeve ligjzbatuese.
