Policia ka arrestuar një 20-vjeçar, i cili akuzohet se ka grabitur tre markete në Tiranë.
Dyshohet se gjatë natës, më datat 28 mars dhe 6 prill, pasi ka thyer me leva hekuri dyert e 3 marketeve, i riu ka vjedhur shuma parash.
Uniformat blu vijojnë hetimet për të zbardhur vjedhje të tjera që mund të ketë kryer 20-vjeçari.
“Pas denoncimeve të administratorëve të 3 marketeve, se në këto subjekte, ishin vjedhur me thyerje, shuma parash, specialistët për Hetimin e Krimeve të Komisariatit të Policisë Nr. 4 organizuan punën, në kuadër të operacionit “Precedenti”, me qëllim ndalimin e autorit të rasteve.
Si rezultat, u identifikua, u kap dhe u vu në pranga shtetasi O. H., 20 vjeç, banues në Tiranë, i cili dyshohet se gjatë natës, më datat 28 mars dhe 6 prill, pasi ka thyer me sende të forta (leva hekuri), dyert e 3 marketeve, ka vjedhur shuma parash.
Vijojnë hetimet për të zbardhur vjedhje të tjera që mund të ketë kryer 20-vjeçari”, njofton policia.
Materialet procedurale iu referuan Prokurorisë së Tiranës, për veprime të mëtejshme./Opinion.al
