Pas ngjarjes shokuese të ndodhur rreth tre ditë më parë në Australi, ku një baba shqiptar, Petrit Lekaj, dyshohet se vrau të bijën e tij, Sabrina Lekaj, pasi ajo doli për t’u argëtuar me shoqet e saj, ka reaguar nëna e 20-vjeçares.
Ajo ka publikuar një status në rrjetin social, Facebook, teksa krahas fotografisë së shiritit të zi shkruan:
“Fjalët nuk mund ta përshkruajnë dhimbjen”.
20-vjeçarja u gjet e vrarë në makinë, e goditur me thikë, pak orë pasi ishte ndarë nga shoqet. Policia gjeti pranë saj babain 49-vjeçar, të lyer me gjak dhe me plagë thike në bark. Ai u mor në pyetje dhe më pas u mbajt i arrestuar, ndërkohë që ndaj tij është ngritur akuza për vrasjen e së bijës.
Problemet e vazhdueshme me prindërit, Sabrina i rrëfente edhe te mikeshat e saj. Mediat kanë publikuar disa mesazhe që 20 vjeçarja i kishte dërguar shoqes së saj, ku tregonte marrëdhëniet e vështirë që kishte me të ëmën.
“Sapo qava. Kam qenë vërtetë e mërzitur sepse mami më thotë gjithmonë ku*vë”, i shkruante Sabrina shoqes së saj./Opinion.al
